Geborgde troue

Ek het die laaste twee maande vyf troues geskiet. Een van hulle vir ‘n bekende tydskrif wat een van hul personeellede se troue geborg het. Nou moet ek versigtig vertel want ek wil weer werk vir hierdie publikasie.

Geborgde troues kan maklik ‘n nagmerrie word deurdat elkeen wat sy deeltjie geborg het, dit beskou as die belangrikste bydrae van die dag. So eindig ek op met ‘n bruid, drie art directors, twee bloemiste, ‘n cater maatskappy wat tafels dek, een wat kos maak, twee wat interiors doen en ‘n bakker wat troukoeke doen.

Al die bogenoemde ontmoet ek twee ure voor die seremonie by die onthaal saal. Bruid se senuwees is flenters. Nog nie ‘n plaksel grimering aan nie en die hare hang toutjies in die hitte. Kry haar eers daar weg om klaar te maak.

Pak die skare mense wat nou almal vir my wil verduidelik watse fotos hulle nou eintlik van hul produkte wil hê. Tydskrif tannies (twee van hulle) is in die ander oor besig om te verduidelik hoe die artikel se aanslag verander het sedert ons produksie vergadering twee maande tevore. In my agterkop wonder ek hoekom ek nie al lankal verslaafd is aan calmettes nie en oorweeg om ‘n pak te loop koop – nie vir my nie, maar vir die kwetterende warboel wat al agter my aanloop soos ek toerusting begin aflaai.

Nou, een van my nuwejaarsvernemens was om meer geduldig te wees met mense, maar na twintig minute in die shoot in, bars my nate oop soos ‘n granaat en daar peul pure gif uit. STOP! Die spulletjie doen dit. Soos ‘n koshuismoeder jaag ek hulle uiteen. Loop staan by julle produkte en bly stil!

‘n Uur later wrap ek die shoot en almal is gelukkig op die oppervlakte, maar agter hulle oë sien ek die skinder oor die bossy fotograaf. Verskonings is gevra en besigheidskaarte is uitgeruil.

Toe ek laas week die images begin uitstuur, kom daar ‘n vloedgolf van bedankings – hulle is uiters ingenome met my fotos. Maar by elke mail is daar ook ‘n klein stukkie wat sê: Ons weet nie hoe jy dit uitgehou het met die ander mense nie! Bid jou aan.

By bruid aangekom is daar egter regte drama, maar die is more se storie.

3 Comments »

  1. Amanda Said:

    Ek wag vir die res…..

  2. boendoe Said:

    😆

    Ek kan ook nie wag nie!

    Bly om te sien jy’s weer op jou pos!

  3. meermin Said:

    ek stem bly jy is op jou pos!!


{ RSS feed for comments on this post} · { TrackBack URI }

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: