Rot!

Die klein kerkie was oud, klam en donker. Stil deur die week met baie gaaitjies en hoekies, so rot se kind het sy intrek geneem. Mevrou rot kort op sy hakke en die res was geskiedenis. Rotspruite loer by elke denkbare plek uit, hardloop op die plaffonne rond en gly in die orrelpype af vir pret.

Katte is snags in die kerk toegesluit voor troues, begrafinisse en regtige spesiale dienste – andersins is gemeente gewoond aan die geskarrel onder die woord. Bruid het haar voet neergesit – almal weet die kat ding werk nie regtig nie en as sy in daai kerk trou, moet rot familie uit wees voor sy instap.

So daag gompie en sy pa ‘n paar dae voor die troue op en na ‘n kort verduidelikking aan die koster, is daar konsensus bereik. Rotgif, geborg deur gompie, sal uitgesit word vandag. Stadig, soos op die maat van Wagner, beweeg die drie deur die kerk en laat klein pieringtjies vol pienk pilletjies agter.

Party van die ouer inwoners van die kerk is mense al so gewoond dat hulle sommer dadelik begin vreet as die piering grondvat. Stil stap die drie uit en trek die deur agter hulle toe op die nag van vloek wat voorlê vir al wat ‘n geborene van die rot geslagte is.

Hulle sê die koster het twee sakke vol rotte opgetel in die dae wat volg tot daar ‘n bose stilte in sy kerk neergedaal het vir die eerste keer in jare. Sela rotfamilie.

Saterdag stap bruid met blink oë in die paaidjie af, maar met elke tree verdof haar blik en pas dit aan by die half verwarde oë van die gemeente. Almal probeer hul beste om nie te kots nie, want in daai kerk hang ‘n vrot rot stank wat tot vandag toe nog deurslaan op reëndae.

2 Comments »

  1. Dellie Said:

    Shame! Daar is rerig niks wat stink soos ‘n dooie rot nie. Jigg! Ek dink ek sou maar die ekstra paar gaste eerder verdra het as daai reuk…

  2. meermin Said:

    Ja nee kyk so dooie rot vrot erg! Shame arme sy!!


{ RSS feed for comments on this post} · { TrackBack URI }

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: