Waar ‘n rokie trek

Baie bruide rook en op hul troudag knaag die senuwees, dus rook hulle bietjie meer. So was hierdie bruid ok maar.

Terwyl sy aantrek, word die hele proses kort gestop sodat bruid ‘n dampie kan gaan slaan buite want sien, sy mag nie in die gastehuis kamer rook nie. So pop daar kort kort ‘n bruid in verskillende stadiums van aantrek en grimeer by die deur uit – amper soos ‘n trou-koekoeklok.

Uiteindelik is sy innie rok en kan ons fotos neem. Sigaret word sommer eenkant gegooi en weer opgetel op hierdie stadium. Ek vra haar om haar sluier oor haar gesig te trek.

Waaragtig, bruid stook onder daai sluier – rook borrel uit en dit lyk te vreemd. Meteens gee sy ‘n gil. Daar sit ta – ronde gaaitjie dwarsdeur die sluier. In haar poging om die ding van haar gesig af te kry, brand sy sommer nog een. Trane.

Haar bruidsmeisie kloek en keer en probeer die sluier verstel, maar die gaatjie bly hier reg op die punt van haar neus en die ander een skuins bo haar regter oog. ‘n Plan moet gemaak word.

Steek op sê bruid vir almal wat rook. Kom ons brand die ding vol gate. So gemaak en kort voor lank het sy die oulikste sluier met ronde gaatjies netjies uitgesprei oor die hele ding.

Darna was daar geen keer nie – sy kon rook en nog asem kry deur haar ventilasie gate. Slim.

2 Comments »

  1. Pikkelik Said:

    Whahahahaha, oi, Karl ek geniet jou stories vreeslik!!!! 😆 😆

  2. meermin Said:

    Pikkelik ek stem ek geniet Karl se stories vreeslik baie! Dankie Karl vir n lekker blog!


{ RSS feed for comments on this post} · { TrackBack URI }

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: