Gompie in sy swart pak

Mans is net so gesteld op wat hulle dra as vrouens – ons maak nie ‘n bohaai daaroor nie, maar druk gerus jou gompie in iets wat hom heeltemaal vreemd laat voel en kyk hoe hy sukkel om nie sy verloofde aan te vat daaroor nie.

Soos skape ter slagting staan te veel gompies voor die kansel in onderbaadjies, hempies en my gunsteling – die band om die middel. Al bg gemaak uit bruid en of bruidsmeisies se oorskietlap en perfek gepas by die tafeldoeke in die onthaalsaal. Dasse, krawatte en sakboeke – ok van dieselfde materiaal peul oral uit.

Ek doen ‘n ernstige beroep op bruide – moet asseblief nie dat jou gompie moet inpas by jou kleurskema nie. Hy wil ook sexy voel en lyk. Trek hom aan om jou knieë lam te maak en sommer daai eks van hom ok.

Die donker pak is maar die staatmaker. Bree skouers en netjiese hare en gompie sal blom. Donker pak beteken nie vervelig nie en jy kan nogsteeds elemente van jou kleurskema inbring.

Elegant en kleurvol

Vir ‘n meer formele gevoel, laat kleur op gompie tot sy knoopsgatruiker beperk bly.

Swart en wit treffer

Laat selfs die onderbaaidjie weg en kry vir hom net ‘n pragtige das. Jare na jul troue sal hy nog sy troudas en trouskoene van tyd tot tyd aantrek na spesiale geleenthede en as jy jou kaarte reg speel, kan die wittebrood weer gesig wys daarna.

Enkele das

Dink mooi oor strikdasse. Pas dit by jou troue en by die tyd. ‘n Man met ‘n strikdas aan om 4 uur die middag lyk sommer net verspot, tensy hy in die strykkwartet speel.

Volle tux vir aande

Dieselfde geld vir die swaelstert manel. Onthou, niks keer gompie om meer as een uitrusting te hê nie. Dink net hoe spesiaal jy sal voel as gompie jou na die onthaal neem in sy elegante aandpak.

Swaelstert manel

Ons kyk later na ligter en kombinasie pakke. Ook die gevierdie wit pak.

Net om my punt te maak oor gompies wat deel van die tema geword het, kyk gerus hoe hierdie arme man sy bes probeer om onherkenbaar te lyk op die foto. Hy moet weer al sy vriende in die oë kyk hierna.

Siestog

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: